cítrico -ca

1. adx

   Relativo ou pertencente aos cítricos.

2. s m

   1. Árbore ou arbusto da familia das rutáceas, (do xénero Citrus), que ten o froito en hesperidio, grande e comestible, de polpa con moito zume, aceda e rica en vitamina C, e presenta pel rugosa.

   2. Froito dun cítrico.

3. ácido cítrico [QUÍM ]

   Ácido tricarboxílico amplamente distribuído en tecidos e líquidos orgánicos, que se obtén do zume das plantas da familia dos cítricos. Emprégase na elaboración de sales efervescentes, xaropes ou bebidas aciduladas, e como regulador do pH, como antioxidante e antiespumante e como reactivo analítico.

Citas

• A producción cítrica do Mediterráneo está entre as primeiras do mundo
• Podemos considerar o limón como o cítrico por excelencia