adición

1. s f

   Acción de engadir.

2. s f

   Cousa engadida a outra.

3. s f [MAT ]

   Operación que consiste en facer corresponder a cada parella de elementos dun conxunto outro elemento do mesmo conxunto, denominado suma. Ten as propiedades conmutativa e asociativa.

4. adición latente [FISIOL ]

   Acumulación de efectos dun determinado número de estímulos illados subliminares que actúan sobre unha estrutura ata o punto de chegar ao cumio de excitación da mesma.

5. composto de adición [QUÍM ]

   Composto que resulta dunha reacción química na que dúas moléculas se xuntan para formar unha molécula única.

6. reacción de adición [QUÍM ]

   Reacción orgánica na que os elementos dunha molécula simple se adicionan sobre outra que contén un enlace dobre ou triplo.

Citas

• Adición dunha pedra ao muro
• Coa adición desta substancia, o composto será mortal