salgueiro

1. s m [PLANTA ]

   Árbore que pertence ao xénero Salix, da familia das salicáceas.

2. salgueiro branco [PLANTA ]

   Árbore da familia das salicáceas que presenta a cortiza parda-grisácea, follas simples, alternas, lanceoladas e dentadas, flores dispostas en amentos e froito en cápsula.

3. salgueiro cabuxo [PLANTA ]

   Salgueiro que presenta copa redondeada, follas simples, ovais ou elípticas, enteiras e dentadas, flores en amentos, e froito en cápsula, que medra en solos areosos e frescos.

4. salgueiro chorón [PLANTA ]

   Salgueiro que presenta cortiza gretada de cor parda, pólas flexibles que colgan ata o chan, follas alternas, linear-lanceoladas e dentadas, flores unisexuais e amarelas, e froito en cápsula.

5. salgueiro negro [PLANTA ]

   Salgueiro que presenta cortiza de cor parda, follas enteiras, simples, alternas, lanceoladas, pecioladas, pubescente polo envés, flores unisexuais dispostas en amentos e froito en cápsula tomentosa.

Sinónimos