reflexión

1. s f

   Acción e efecto de reflectir ou reflectirse.

2. s f [FILOS/PSIC ]

   Operación coa que a mente pon atención aos propios actos do coñecemento, e incluso ao eu ou suxeito que os sustenta, e non ao contido destes actos.

3. s f [FÍS ]

   Obtención da figura simétrica dunha dada con relación a un plano que se toma como elemento de simetría.

4. s f [FÍS ]

   Modificación da traxectoria dunha partícula, dun raio ou da fronte dunha onda cando incide sobre unha superficie límite do medio no que se moven.

5. s f [MAT ]

   Simetría respecto a un plano ou a unha recta.

6. coeficiente de reflexión [FÍS ]

   Probabilidade que, segundo a mecánica cuántica, ten unha partícula de ser reflectida por unha barreira de potencial cun nivel de enerxía superior ao da partícula.

7. factor de reflexión [FÍS ]

   Relación entre o fluxo luminoso reflectido por unha superficie e o fluxo incidente.

8. reflexión acústica [FÍS ]

   Fenómeno que consiste no feito de que cando un obxecto se interpón no ámbito de propagación dunha onda sonora, unha parte da enerxía é reflectida e outra parte é absorbida e transmitida polo obxecto.

9. reflexión total [FÍS ]

   Fenómeno polo que cando unha cousa pasa dun medio máis refrinxente a outro menos refrinxente, hai un ángulo de incidencia máximo t tal que todos os raios que inciden cun ángulo maior que este son reflectidos outra vez ao medio do que proceden. OBS: A grafía <x> representa o son [ks].

Sinónimos

Refráns

• Antes de casar, débelo pensar.
• As cousas ben pensadas son máis acertadas.
• As cousas ben pensadas, ben asentadas.
• Ben ve o cego.cando el se mira por dentro.
• Despacio pensa e obra á présa.
• Mete a man no seo: verás o teu mal e mailo alleo.
• Mete as mans no seo e verás o teu mal e o alleo.
• Mira ben o que fas e o que teñas que facer.
• O ben pensado é o mais acertado.
• O bo conselleiro aconséllase consigo primeiro.
• O traveseiro é un gran conselleiro, que dá o consello sen cobrar diñeiro.
• Para lixeiro mester tamén compre chencha ter.
• Pensa moito e fala pouco.
• Pensalo ben e facelo mal non é cousa natural.
• Pénsao ben e non o farás mal.
• Se metes a man no teu seo, non dirás do malfado alleo.