previsión

1. s f

   Acción e efecto de prever.

2. s f [ECON ]

   Reserva constituída para cubrir unha necesidade predeterminada.

3. previsión do tempo [METEOR ]

   predición do tempo.

4. previsión social [DER ]

   Conxunto de normas legais en favor dos traballadores, integrada en España no sistema da seguridade social, a través do Instituto Nacional de la Seguridad Social, as mutualidades laborais e as mutuas patronais.

Refráns

• Busca pan para maio e leña para abril e bótate a durmir.
• De caldo requentado e vento de burato, gárdate coma do diaño.
• Deixa qué comas e non qué pagues.
• Deixa qué comer e non deixes qué facer.
• Dúas veces pon a mesa quen come e deixa.
• Entre moza e mozo convén sempre un muro groso.
• Garda no verán da mocidade para o inverno da idade.
• Gran a gran, procura ter para o inverno e máis para o vran.
• Hai que saber que hai mañá.
• Mira adiante e non quedarás atrás.
• Mira para di ante e non caerás.
• Nin casa á beira do río nin viña ao pe do camiño.
• No setembro come e vende, mais non sexa tanto o comer, que non deixes qué vender.
• Non deixes para mañá o que poidas facer hoxe.
• O que adiante non mira, atrás queda.
• O que non garda leña para abril, non sabe vivir.
• O que pensa a onde vai, esquece ás veces de onde vén.
• Quen adiante non mira, para atrás se volve.
• Un tempo bo trae outro tempo malo.
• Vale máis un por se acaSo que un ¡quen pensara!