porto

1. 1. s [MAR/ENX ]

      Abrigo natural ou artificial, nunha costa ou á beira dun río, onde permanecen seguros os barcos e se poden efectuar as operacións de embarque e desembarque das persoas e mercadorías.

   2. s

      Poboación á beira do mar ou dun río, con instalacións onde as naves poden ir cargar e descargar mercadorías.

   3. porto artificial / [MAR/ENX ]

      Porto que presenta unha disposición natural modificada polo ser humano e no que se realizan obras exteriores de abrigo, como ampliación dun abeiro natural.

   4. porto comercial / [MAR/ENX ]

      Porto que ofrece aos barcos as instalacións adecuadas para poder efectuar as operacións de embarque e desembarque en boas condicións.

   5. porto deportivo / [MAR/ENX ]

      Porto que permite o abrigo de embarcacións deportivas ou de recreo.

   6. porto de refuxio / [MAR/ENX ]

      Porto que serve para ofrecer abrigo ás embarcacións sorprendidas polo mal tempo no mar.

   7. porto natural [MAR ]

      Porto que ofrece abeiro ás embarcacións pola mesma disposición natural da costa.

2. s m

   Paso entre montañas que comunica as dúas vertentes.

3. s m

   Lugar por onde se pode atravesar un río.

4. s m [FÍS ]

   Conxunto de entradas ou de saídas dun dispositivo electrónico complexo.

5. porto paralelo [INFORM ]

   Medio de conexión ao ordenador de dispositivos como a impresora ou o escáner onde a información se transfire de forma simultánea. OBS: Tamén se denomina porto de impresora.

Sinónimos