onda

1. s f [XEOL ]

   Movemento oscilatorio das augas do mar en sentido ascendente e descendente.

2. s f

   Porción elevada ou convexa dunha liña ou superficie que ten alternativas de elevación e depresión.

3. s f

   Curva que se forma nalgunhas cousas flexibles.

4. s f

   Aumento ou descenso de temperatura que dura algúns días.

5. 1. s [FÍS ]

      Forma de manifestarse un fenómeno periódico no espazo, no tempo ou nos dous á vez.

   2. onda asociada [FÍS ]

      Onda que se atribúe a unha partícula de masa m cando está dotada dunha velocidade v.

   3. onda curta [FÍS ]

      Onda electromagnética de lonxitude comprendida entre 10 e 15 m.

   4. onda de choque / [AERON/BÉL ]

      Rexión estreita, formada no seo do aire, que atravesa as liñas de corrente en que a velocidade varía subitamente e na que se presenta un forte incremento da entropía.

   5. onda electromagnética [FÍS ]

      Forma que, segundo a teoría ondulatoria, adopta a enerxía electromagnética na súa propagación.

   6. onda expansiva [BÉL ]

      Onda coa que se propaga unha detonación nunha masa gasosa. OBS: Tamén se denomina onda explosiva.

   7. onda gravitatoria [FÍS ]

      Tipo de onda que xorde das solucións da ecuación de Einstein do campo gravitatorio.

   8. onda hidromagnética [FÍS ]

      Perturbación electromagnética que se propaga dentro dun plasma cando a frecuencia do plasma é moito menor ca a frecuencia ciclotrónica dos ións positivos.

   9. onda longa [FÍS ]

      Onda electromagnética dunha lonxitude de mil metros ou máis.

   10. onda media [FÍS ]

       Onda electromagnética normal que presenta unha lonxitude de 200 a 550 m.

   11. onda radioeléctrica / [COMUN/TECNOL ]

       Onda electromagnética que se emprega en radiocomunicacións, e que adoita ter unha lonxitude de onda entre os milímetros e os quilómetros.

   12. onda retrógrada [BÉL ]

       Onda de choque que, ao producirse a explosión dun gas detonante, se propaga en sentido contrario á onda expansiva no seo de gases xa queimados, aos que volve luminiscentes ao provocar unha nova reacción química.

   13. onda sísmica [XEOG ]

       sismo.

   14. onda sonora [FÍS ]

       Forma de propagación do son nun medio.

6. s f

   Grupo de cousas ou persoas que suceden ou veñen ao mesmo tempo.

7. función de onda [FÍS ]

   Termo con que se coñece, en mecánica cuántica, tanto a onda asociada como a expresión matemática que a representa.

8. número de onda [FÍS ]

   Constante característica dunha onda, definida como k = 2π/λ, sendo k o número de onda ou número de propagación, e λ a lonxitude de onda.

9. vector de onda [FÍS ]

   ector K que, dada unha onda, ten unha dirección que en cada punto do espazo é a de propagación da onda nese punto, e un módulo que é o seu número de onda.

Sinónimos

Citas

• Para a fin de semana que vén espérase unha onda de calor no noroeste peninsular
• Unha onda de xente entraba no auditorio para ver o concerto

Frases feitas

• Estar na onda. Comprender algo de maneira correcta.

• Perder a onda. Desorientarse ou despistarse.

Formas incorrectas