novembro

Refráns

• Antes de san Martiño pan e viño, despois de san Martiño fame e frío.
• Ata san Martiño aínda pinga o ramalliño; despois do san Martiño, fame e frío.
• Ata san Martiño, pan e viño; de san Martiño adiante, frío e fame.
• De Santos a Navidade é inverno de verdade.
• Dende Santos a Nadal é inverno natural.
• Dende Santos a Nadal, inverno caroal.
• Despois de san Martiño deixa a auga e bebe o viño.
• Entre Santos e Nadal fai inverno camal.
• Horta de san Martiño mantén o seu dono e o seu veciño.
• No san Martiño remonta cada día un ferradiño.
• Ó chegar o san Martiño mátase o porco e próbase o viño.
• Polo mes de Santos xa baixa a neve aos campos.
• Polo san Andrés neve nos pés.
• Polo san Martiño andan as noces a roliño.
• Polo san Martiño di o inverno: ¡Alá vou eu!.
• Polo san Martiño mata o teu porquiño e bebe o teu viño.
• Polo san Martiño todo o mosto é viño.
• Por san Martiño faise o magosto con castañas asadas e viño ou mosto.
• Por san Martiño non plantes fabas nio liño.
• Por san Martiño xa se coñece o bo viño.
• Por Santos aínda hai campos verdes e xa hai montes brancos.
• San Martiño sempre quere o seu granciño, anque sexa pequeniño.
• Santos e Nadal, inverno caroal.
• ¡Bendito mes que empeza con Santos e acaba con san Andrés!
• ¡Bendito mes que empeza con Santos, media con san Uxío, e remata con san Andrés!
• ¡Vaites co mes, que empeza con Santos e acaba con san Andrés!