nota

1. s f

   Indicación que se pon nun documento como aclaración, para advertir ao lector que consulte a anotación correspondente que atopará á marxe, ao pé da páxina ou á fin da obra ou de cada unha das súas divisións.

2. s f

   Breve información escrita.

3. s f

   Indicación esquemática que se recolle por escrito daquilo que se le, se escoita ou se observa.

4. s f

   Factura global ou detallada de gastos.

5. s f

   Cualificación que se dá por un exame ou avaliación.

6. s f [MÚS ]

   Signo gráfico que serve para representar cada un dos sons dunha composición musical e a súa duración.

7. s f [MÚS ]

   Cada un dos sons dunha composición musical.

8. s f

   Sinal con que se distingue algunha cousa.

9. s f [BIBLIOT ]

   Comentario aclarador do contido dun documento que o catalogador pon na ficha principal, a continuación da descrición bibliográfica.

10. s f [DER ]

    Breve apuntamento formado sobre os recursos de casación civil por infracción da lei.

11. s f [HIST/DER ]

    Asentamento das actas e contratos autorizados polos notarios do s XIII ao s XVIII, que estes rexistraban nos libros notariais.

12. [DER ]

    Comunicación diplomática asinada que os axentes acreditados tramitan aos gobernos.

13. [MÚS ]

    Nota equivocada que se produce por unha mala entoación ou por un erro dun ou de diversos intérpretes dunha peza musical.

14. [DER ]

    Comunicación diplomática, sen sinatura que, a xeito de observación ou de recordo, se dirixen os ministros de Asuntos Exteriores e os axentes acreditados entre eles.

15. [RELIX ]

    Características que permiten discernir a verdadeira Igrexa fundada por Xesús Cristo. Son tradicionalmente a apostolicidade, a unidade, a santidade e a catolicidade.

Sinónimos

Citas

• A nota ao pé do escrito aclaraba perfectamente o significado daquela expresión
• A nota do segundo exame impediulle aprobar
• A nota simbólica do acto chegou cando plantaron unha árbore na honra do falecido
• Deixeille unha nota avisándoa de que a chamaras
• Ese rapaz é o que saca máis nota na clase
• O alumno tomou nota das posibles preguntas do exame
• O camareiro levoulles a nota inmediatamente
• O meu veciño ten nota de lacazán no barrio
• Púxenche unha nota para que souberas ata onde che imprimín o traballo

Frases feitas

• Dar a nota. Destacar algo ou algu

• Tomar nota. Reter algo na memoria para telo en conta no futuro.