mobilidade

1. s f

   Calidade do que se move ou pode moverse con facilidade.

2. s f

   Carácter daquilo que cambia con facilidade.

3. s f [ECON ]

   Característica dos factores de produción que define a súa facilidade para ser aplicados indistintamente a procesos de produción alternativos ou para ser trasladados espacialmente.

4. s f [FÍS ]

   Coeficiente de proporcionalidade μ entre a velocidade v dunha partícula sometida a un campo de forzas e a intensidade E do campo, de maneira que v = μE.

5. grao de mobilidade [FÍS/IND ]

   Suma do número de velocidades e de direccións do movemento que se poden asignar libremente ás articulacións nunha estrutura de barras articuladas, e que determinan todas as demais condicións de movemento da estrutura.

6. mobilidade social [SOCIOL ]

   Calidade dos individuos, familias ou grupos sociais pola que estes pasan dunha posición social a outra.

Citas

• A mobilidade do seu carácter é propia da súa idade
• É un xogador que se carateriza pola súa mobilidade