método

1. s m

   1. Forma de proceder para acadar un fin, razoando e seguindo unha orde.

   2. Conxunto ordenado de exercicios ou regras para ensinar ou aprender algo.

   3. Maneira particular de facer algo.

2. s m [FILOS ]

   Forma concreta de proceder ou aplicar o pensamento, para coñecer a realidade, comprender o sentido ou o valor duns feitos, interpretar os datos da experiencia ou resolver un problema.

3. método científico

   Conxunto de operacións que, na investigación científica, intentan acadar o maior grao de obxectividade, facendo máis díficil a interpretación errónea dos feitos.

4. método de Fischer [QUÍM ]

   Procedemento químico de análise de trazas de auga que se basea no feito de que o óxido de xofre (IV) non reduce o iodo nunha solución de metanol e piridina, segundo unha reacción estequiométrica, senón é en presenza de auga.

5. método de Montecarlo [MAT ]

   Método estatístico, polo que, mediante unha mostraxe artificial, se chega a estimar a probabilidade de que un proceso real teña lugar.

6. método de Ogino-Knaus [MED ]

   Método de control de natalidade, que consiste en evitar as relacións sexuais durante os períodos fértiles da muller.

7. método de racionalización de Gauss [MAT ]

   Algarismo que se emprega no estudo dos espazos vectoriais que, dados uns vectores arbitrarios, permite deducir efectivamente os que son linealmente independentes e que, por tanto, tamén son base do subespazo que xeran.

8. método do radiocarbono [FÍS/ARQUEOL ]

   Procedemento de datación do carbono 14.

9. método dos multiplicadores Lagrange [MAT ]

   Método para localizar os máximos ou mínimos dunha función u = F (x 1 , x 2 ,... x n ) de n variables, que están sometidas a k condicións suplementarias.

Sinónimos

Citas

• Está seguindo un método para aprender portugués en quince días
• Pensa o método que vas seguir antes de comezar a investigación
• Ten o seu propio método para facer apostas