meridiano -na

1. adx

   Relativo ou pertencente ao mediodía.

2. 1. s

      Círculo máximo da Terra que pasa polos polos.

   2. s

      Semicírculo da terra que vai de polo a polo.

   3. meridiano de Greenwich

      Meridiano que pasa polo antigo observatorio de Greenwich (Reino Unido) e que é a liña base para establecer os fusos horarios mundialmente. OBS: Tamén se denomina meridiano cero ou meridiano de orixe.

   4. meridiano inicial

      Meridiano que o home, arbitrariamente, toma como o primeiro meridiano, para determinar, sobre o ecuador, a lonxitude xeográfica de cada lugar da Terra.

   5. meridiano magnético

      Liña isógona comprendida entre os dous polos magnéticos da Terra.

3. s m [MAT ]

   Intersección dunha superficie de revolución cun plano que pasa polo eixe de revolución.

4. 1. adx

      Relativo ou pertencente ao meridiano.

   2. adx

      Aplícase á sección que, nunha superficie de revolución, é producida por un plano que pasa polo eixe de revolución.

   3. altura meridiana dun astro [ASTRON ]

      Altura dun astro cando pasa polo plano meridiano.

   4. liña meridiana / [ASTRON/XEOG ]

      Intersección da horizontal dun lugar co plano meridiano do lugar que determina sobre a horizontal os puntos N e S.

   5. plano meridiano / [ASTRON/XEOG ]

      Plano vertical que pasa polo eixe da Terra e un lugar dado.

5. 1. meridiano celeste

      Círculo máximo da esfera terrestre que contén os seus polos.

   2. meridiano inferior

      Semicírculo do meridiano dun lugar que ten por extremos os polos celestes e que contén o nadir dese lugar.

   3. meridiano local

      Meridiano celeste que contén o cénit e o nadir do lugar xeográfico considerado.

   4. meridiano superior

      Semicírculo do meridiano dun lugar que ten por extremos os polos celestes e que contén o cénit dese lugar.

Citas

• Explicábase con claridade meridiana
• Pola ventá entraba unha luz meridiana