lagoa

1. s f [XEOG ]

   Extensión de auga que ocupa unha depresión do terreo, de menor dimensión ca un lago.

2. s f

   1. Omisión, interrupción ou espazo baleiro na continuidade de algo, especialmente nun texto escrito.

   2. Cousa que non se recorda ou se descoñece.

3. lagoa legal/da lei [DER ]

   Falta de regulación que se produce cando o ordenamento xurídico no seu conxunto non achega ningunha regulación a unha determinada situación de feito.

4. lagoa do dereito [DER ]

   Falta de regulación legal que se produce cando o conxunto de normas de carácter legal non achega ningunha regulación a unha determinada situación de feito.

Citas

• A avoa ten moitas lagoas da súa infancia, A historia dos primeiros poboadores ten moitas lagoas

Refráns

• Non bebas na lagoa nin cuspas máis dunha "aceitona".