labirinto

1. 1. s

      Circuíto con camiños intrincados que, unha vez dentro, fan difícil atopar a saída.

   2. s [MIT ]

      Composición arquitectónica ou xardín de complicada estrutura e con difícil ou imposible saída.

2. s m

   Cousa confusa e enleada.

3. s m

   Conxunto de estruturas que constitúen a orella interna e que consta dun compoñente óseo escavado no óso temporal (labirinto óseo) e dun compoñente membranoso (labirinto membranoso), cheo da endolinfa e separado das estruturas óseas pola perilinfa.

4. s m [FÍS/TECNOL ]

   Xunta de estanquidade para fluídos, que se emprega para unir órganos fixos e móbiles. Está provista dunha serie de paredes e compartimentos que producen unha forte caída de presión.

5. s m [ARQUEOL/PREHIST ]

   Gravado formado por liñas complexas con finalidade simbólica.

6. s m [ARTE ]

   Motivo decorativo formado por liñas en ángulos rectos ou en espirais, semellantes aos meandros, pero cun desenvolvemento radial.

7. s m [ARTE ]

   Lousa de carácter decorativo que se colocaba no cruceiro dalgunhas igrexas medievais.

Formas incorrectas