hixiene

1. s f [MED ]

   Ciencia que estuda as condicións e os factores persoais ou ambientais que inflúen na saúde física e mental e que favorecen a aparición e a difusión das enfermidades.

2. s f

   Conxunto de normas que tratan da limpeza e do aseo da persoa e dos lugares públicos.

3. s f

   Conxunto de condicións que teñen por obxecto garantir as necesarias calidades sanitarias dos alimentos para que sigan sendo nutritivos, limpos e exentos de axentes nocivos.

4. hixiene escolar [MED/EDUC ]

   Parte da medicina preventiva que se preocupa da protección e mellora da saúde dos nenos en idade escolar e que favorece a educación global.

5. hixiene mental [MED/PSIC ]

   Póla da actividade médico-psicolóxica que se propón manter a saúde mental da poboación e previr a aparición ou agravamento dos problemas psíquicos.

6. hixiene pública [MED ]

   Hixiene na aplicación da que intervén a autoridade ditando as normas oportunas en cada caso.

7. hixiene sexual [MED ]

   Parte especializada da hixiene que trata do sexo, da conduta, da educación e das relacións sexuais.

Citas

• Usa xabón na súa hixiene diaria, Nese local preocúpanse pola hixiene

Refráns

• Tres cousas sempre frías están: lomedro de home, cu de muller e fuciño de can.