granxa

1. 1. s

      Propiedade rural dedicada á explotación agrícola e gandeira e onde se encontra a vivenda, as cortes e os pendellos.

   2. granxa colectiva

      Explotación agrícola creada nos réximes socialistas mediante a expropiación ou nacionalización da propiedade privada.

   3. granxa escola [EDUC ]

      Escola ou centro educativo en que a inserción no contorno natural e agrícola, como motivo de estudo de investigación e aprendizaxe, cobra un destacado protagonismo dentro do conxunto das actividades formativas.

   4. granxas monacais [HIST ]

      Explotacións rurais dependentes dun mosteiro principal en que residía unha pequena comunidade de monxes dedicada ás tarefas agrarias. Algunhas destas granxas chegaron a ter igrexa parroquial propia en que o párroco era designado polo mosteiro.

2. s f

   Establecemento en que se crían animais para a súa explotación comercial.

Citas

• Compraron unha granxa na montaña
• Ofrecéronlle un traballo nunha granxa de polos