fidelidade

1. s f

   Calidade de fiel.

2. s f [TECNOL ]

   Característica dun aparato electrónico relativa á súa capacidade de reproducir diferentes sinais sen introducir ningunha distorsión.

3. s f [MAT ]

   Calidade das estimacións estatísticas segundo sexa máis ou menos grande o acordo entre os valores obtidos ao longo dun conxunto de experiencias feitas en condicións determinadas, e que se expresa mediante o erro tipo.

4. s f

   1. Grao de preferencia dun taxon por unha comunidade vexetal determinada.

   2. Presenza exclusiva dun taxon nunha comunidade vexetal.

5. xuramento de fidelidade [HIST ]

   Xuramento relixioso que o vasalo lle facía ao señor.

Citas

• A fidelidade do retrato fai que un crea que é unha fotografía, A fidelidade aos seus amigos mostrábaa con cada acción realizada

Refráns

• -Fillos, das túas bragas; bois, das túas vacas.
• A máis non poder, déitate coa túa muller.
• Á muller casada o seu home lle abasta, se é muller honrada.
• A muller e a besta, que a empreste quen queira.
• Á muller e ao souto abóndalles cun dono.
• Nin ollo en allea carta nin man en allea barba.