febre
lat febre
-
-
s
Elevación anormal da temperatura do corpo a causa dun trastorno na súa regulación. Os mecanismos polos que se produce a febre relaciónanse coas agresións contra o organismo e cos propios axentes causantes da agresión.
-
febre aftosa
Enfermidade vírica do gando, fundamentalmente do bovino e do ovino, que se pode transmitir ao home, por contacto directo ou por inxestión do leite destes animais.
-
febre álxida
Febre que comporta dores difusas, como cefalalxias ou mialxias, ou ben localizadas.
-
febre amarela/de Siam
Enfermidade vírica aguda e febril que se transmite pola picadura dos mosquitos da especie Aedes aegypi. É orixinaria de África Occidental e endémica en moitos lugares de América tropical e África.
-
febre das trincheiras
Enfermidade infecciosa febril, que se transmite polos piollos, que foi endémica-epidémica nas frontes de combate de ambas as guerras mundiais. OBS: Tamén se denomina enfermidade de Werner-His.
-
febre de Malta/melitense/do Mediterráneo
Brucelose causada pola bacteria Brucella melitensis, endémica en todo o litoral mediterráneo, que se transmite habitualmente das ovellas ou das cabras ao home por medio do leite, do queixo, da carne ou doutros produtos obtidos destes animais.
-
febre disentérica
Febre perniciosa con accidentes intestinais disentéricos.
-
febre do feo
Febre que se presenta anualmente ao aproximarse a primavera ou o verán debido ao pole en individuos hipersensibilizados.
-
febre do leite condensado/do leite en po
Hipertermia que se observa nalgúns nenos alimentados con leite condensado ou con leite en po debido á insuficiencia de cantidade de auga que se emprega para diluír os diferentes tipos de leite.
-
febre eruptiva
Grupo de enfermidades xerais infecciosas que, nas formas típicas, evolucionan cun exantema peculiar que ofrece trazos propios en cada unha. Son contaxiosas e deixan inmunidade perdurable, como a escarlatina ou o sarampelo.
-
febre ganglionar
mononucleose infecciosa.
-
febre histérica
Elevacións irregulares da temperatura sen síntomas xerais, que se observan algunhas veces nalgúns pacientes afectados de histeria.
-
febre nerviosa
Febre dependente dun trastorno funcional primitivo do sistema nervioso.
-
febre perniciosa
Paludismo con síntomas graves, de curso rápido, que algunhas veces remata coa morte nos primeiros accesos.
-
febre puerperal
Estado febril con fenómenos xerais máis ou menos graves, que van desde unha simple metrite a unha infección purulenta e septicemia que se pode presentar despois dun parto ou dun aborto como consecuencia dunha infección uterina producida por diversos xermes, especialmente estreptococos.
-
febre recorrente
Enfermidade infecciosa, epidémica e contaxiosa, que se produce por espiroquetas do xénero Borrelia e que se transmite por piollos e chinches.
-
febre reumática
Enfermidade que se presenta como complicación inflamatoria non supurativa dunha infección por un estreptococo hemolítico. OBS: Tamén se denomina reumatismo poliarticular agudo.
-
febre tifoide
Enfermidade infecciosa que se debe ao bacilo de Eberth. O axente causal está nas deposicións e transmítese pola auga e os alimentos ou por contaxio directo.
-
s
-
s
f
Excitación ansiosa provocada por algo.
Citas
- Entroulle agora a febre dos negocios