esperanza

1. s f

   Sentimento ou estado de ánimo que fai crer que se pode conseguir ou realizar algo que se de-sexa.

2. s f

   Persoa ou cousa en que alguén confía para conseguir algo.

3. 1. s

      Ganancia media por xogada, nun xogo de azar.

   2. esperanza matemática

      alor medio que pode tomar unha variable aleatoria X definida nun espazo de probabilidade.

4. esperanza de vida [DEMOG ]

   Estimación do número de anos que pode esperar vivir unha persoa.

Citas

• Aínda teño esperanza de poder falar con ela, OBS: Pode adquirir un valor impersoal, Non hai moitas esperanzas de paz
• Esa vacina é a súa última esperanza para curarse

Refráns

• A esperanza longa o corazón acora.
• A esperanza non enche a panza.
• A pedra veña xa, que a auga xa virá.
• A quen pode esperar, todo lle chega a tempo e vontá.
• Algún día será a festa da nosa aldea.
• Algún día será domingo e martes de Entroido.
• Algún día será festa e non irán todos a ela.
• Algún día será festa e será Pascua.
• Ata a morte todo é vida.
• Coa esperanza non se come nin se vive.
• Despois da tormenta sempre a bonanza chega.
• Detrás do pouco vén o moito.
• Día virá que teña peras o meu peral.
• Esperanza que me consola, que non morra.
• Mal trae ben.
• Non pode se-lo corvo máis negro cás ás.
• Ó que boa a espera, boa lle vén.
• Quen espera a man allea, mal xanta e peor cea.
• Se unha porta se pecha, cen se abren.
• Todo se andará, se o pan non se acaba.