difusión

1. s f

   Acción e efecto de difundir ou de difundirse.

2. s f [ANTROP/CULT ]

   Proceso de cambio cultural mediante o que diferentes elementos dunha cultura pasan a outra.

3. s f [QUÍM/FÍS ]

   Transporte de materia que se produce polo movemento molecular ao azar dun lugar onde a concentración é máis elevada a outro onde é máis baixa, ata chegar a unha igualdade de concentracións.

4. s f [FÍS ]

   Alteración da distribución dunha radiación que se propaga en múltiples direccións despois de ser reflectida nunha superficie ou de atravesar un medio determinado.

5. s f [IND/TECNOL ]

   Etapa da extracción do azucre en que se deixa a remolacha en contacto con auga quente co fin de disolver a sacarosa.

6. s f [COMUN ]

   Número total de exemplares do mesmo número distribuídos por calquera publicación impresa, ben sexa xornal ou revista.

7. difusión facilitada [BIOQ ]

   Transporte de moléculas a través da membrana celular, que non require o consumo de enerxía.

8. difusión simple [BIOQ ]

   Mecanismo que consiste na difusión de moléculas pequenas, solubles nos lípidos, a través da matriz lipídica da membrana celular.

Sinónimos

Citas

• A noticia da voda tivo unha gran difusión en todos os medios de comunicación