contexto

1. 1. s

      Conxunto de ideas ou de feitos contidos nun escrito ou discurso que permiten determinar o sentido ou o valor dun fragmento, dunha frase ou dunha palabra que alí aparece.

   2. contexto fonético [LING ]

      Conxunto de sons que rodean un fonema.

2. 1. s

      Conxunto de circunstancias que rodean e explican un acontecemento, unha situación, ou calquera outro feito.

   2. s [PEDAG ]

      Condicións espazo-temporais que inflúen, segundo a teoría de Gestalt, na percepción de calquera obxecto ou estrutura.

   3. contexto cultural [ARTE ]

      Conxunto de institucións, códigos estéticos, correntes artísticas, normas estilísticas, así como o sistema conceptual formado por costumes e tradicións, que condicionan a existencia de determinados produtos, á vez que explican o seu significado.

Citas

• O contexto social foi determinante para explicar o seu comportamento
• Polo contexto é moi doado saber o significado desa palabra