colonia

1. s f [HIST/POLÍT ]

   Territorio ocupado e sometido, xunto coa súa poboación, por outro pobo ou estado, co fin de iniciar un proceso de explotación dos seus recursos.

2. s f

   1. Conxunto de persoas que van dun territorio a outro para se establecer nel.

   2. Lugar onde se establece este conxunto de persoas.

3. s f [ZOOL ]

   Conxunto de individuos que pertencen a unha mesma especie e que están anatomicamente unidos para formar unha individualidade de orde superior.

4. s f [ZOOL ]

   Conxunto de animais da mesma especie que fan vida en común.

5. s f [MICROB ]

   Agrupación de bacterias que se orixina pola reprodución dunha bacteria illada nun medio de cultivo.

6. s f [BOT ]

   Poboación vexetal situada pouco ou moi lonxe da área principal das especies que a compoñen.

7. colonia escolar [EDUC ]

   Conxunto de actividades formativas ao aire libre como complemento da actividade escolar.

8. colonia industrial [HIST ]

   Conxunto de instalacións industriais separado dos núcleos de poboación.

Citas

• Na costa mediterránea hai moitas colonias de veraneantes estranxeiros
• Na súa visita a Bos Aires o presidente recibiu os representantes da colonia galega nesa cidade