cerebro

1. s m [ZOOL/FISIOL ]

   Parte do encéfalo que ocupa case toda a caixa craniana e descansa sobre as fosas anterior e media da base do cranio. Divídese en dúas metades simétricas, os hemisferios, e regula a vida vexetativa, ao mesmo tempo que constitúe o punto de inserción somática da vida psíquica.

2. s m p ext [ZOOL ]

   Ganglios nerviosos cefálicos dos invertebrados, especialmente cando centralizan a actividade nerviosa.

3. s m

   1. Mente.

   2. Persoa moi intelixente.

   3. Persoa que deseña os plans para levar a cabo un asunto.

4. cerebro de gato [XEOL ]

   Concreción calcaria impura formada por nódulos dispersos nos limos.

Citas

• O teu curmán foi o cerebro da falcatruada
• Polas cousas que fas, parece que non tes cerebro
• Todos os profesores pensaban que era o mellor cerebro da clase