viña

Escoitar

< voz sánscrita

Plural: viñas

s f Campo plantado de vides ou cepas.

Refráns

" Nin arca sen chave nin viña sen quen a garde.
A cepa, tarde ou cedo, sempre dá uvas polo setembro.
A vendima, enxoita e fría.
A viña ao pe do camiño ten mal veciño.
A viña de bo amo pódase en marzo.
A viña do ruín pódase en abril.
A viña e o poldro, que os críen outros.
A viña gárdaa o medo, máis ben que o viñadeiro.
A viña vella quere amo novo.
A viña, ande haxa xeada; a terra, ande haxa auga.
Cáveme quen queira, pódeme quen "seipa" -díxolle a cepa á terra.
Cáveme quen queira, pódeme quen saiba, bímeme calquera, cóideme o meu amo.
Cáveme quen quixer e pódeme quen souber.
Coida ben a viña e terás vendima.
Máis garda a viña o medo que o viñadeiro.
Na viña doutro ninguén pode ir escoller.
Na viña vendimada calquera pode vendimar.
Nin viña ao pe do camiño nin casa á beira do río.
Nin viña no baixo nin trigo no cascaIlo.
Non teñas viña nun rincón nin casa nun cantón.
Nunca De faIta achaque ao viño: no verán pola calor e no inverno polo frío.
O día de Santa Mariña vai á túa viña que, como a atoparás, así a vendimarás.
O meu veciño ten unha viña: el a cava, el a bima, el a vendima.
O que cava e bima fará boa vendima.
O que non bima, non vendima.
O vello pranta a viña e o vello a vendima.
Para viña vella, amo novo.
Poda a viña en marzo para cavala en maio.
Pola santa Mariña vai ás túas viñas e cal as tes, tal as vendimas.
Pola santa Mariña vai ver a túa viña e, cal a cates, tal a vendimas.
Polo san Mateo vendima arreo.
Polo san Mateu, vendima ti, vendimarei eu.
Por marzo a cava, por marzo a poda, por marzo vólvese a viña toda.
Quen cava ca demo a viña, co demo a vendima.
Vai ver se a túa viña reluz o día da santa Cruz.
Viña entre viñas e casa entre veciñas.
Viña que non se poda despacio dará poucos e ruíns acios.
Viña, pereira e fabal, malos son de gardar.
Viñas, cantas bebas; terras, cantas vexas.

Palabras veciñas

vime vimia vimieiro viña vina* vinagre vinagreira