síndrome

< gr συνδρομ ή ‘concurso’
Plural: síndromes
  1. s f PAT Conxunto de síntomas e signos que definen clinicamente un estado patolóxico.
  2. s f Conxunto de síntomas que son característicos dunha determinada situación e que poden causar temor.
  3. síndrome de Down PAT Forma conxénita de discapacidade psíquica que se debe a un defecto no cromosoma 21, por mor dunha trisomía, dunha translocación ou dun mosaicismo, que se caracteriza por presentaren os individuos a cara redonda e plana, cabeza braquicéfala e ollos oblicuos e con epicanto.
  4. síndrome de inmunodeficiencia adquirida PAT sida.
  5. síndrome de Edwards PAT Trisomía 18 que produce hipertonía muscular, atraso psicomotor, alteracións craniais, labio leporino, orellas malformadas de implantación baixa, e mans en que os dedos índice e maimiño están enriba, respectivamente, do dedo medio e anular.
  6. síndrome de Klinefelter PAT Aberración cromosómica numérica que se caracteriza por unha trisomía gonosómica (o cromosoma 23 é xeralmente XXY), que se manifesta por unha insuficiencia da función endocrina testicular, testículos pequenos, xinecomastia, retraso mental e infertilidade.
  7. síndrome de Korsakov PAT Conxunto de trastornos mentais que se asocian a unha polineurite e que consisten en amnesia anterógrada, desorientación e tendencia á cofabulación e perda da memoria.
  8. síndrome de Marfan PAT Trastorno hereditario do tecido conectivo que produce alteracións oculares e óseas nas articulacións e nalgúns órganos.
  9. síndrome de Patau PAT Aberración cromosómica numérica que consiste na trisomía autosómica do cromosoma 13 e que presenta varios signos, como atraso mental, malformacións auriculares e microcefalia. OBS: Tamén se denomina trisomía 13 e trisomía D.
  10. síndrome de Prader-Willi PAT Cadro que se caracteriza por obesidade, talle baixo, criptorquidia, diabete e merma das capacidades intelectuais, propio dun individuo que ao nacer presentou unha atonía muscular grave.
  11. síndrome de Reiter PAT Síndrome que se caracteriza por artrite, acompañada de uretrite e conxuntivite ou de lesións mucocutáneas.
  12. síndrome de Reye PAT Encefalopatía aguda e infección hepática asociada a cadros de febre por infeccións virais.
  13. síndrome de Sézary PAT Proceso de proliferación dos linfocitos T, que se considera a variante leucémica da micose fungoide.
  14. síndrome de Sjögren PAT Síndrome que se caracteriza por sequidade da pel e das membranas mucosas e por calcificación dos ósos e das articulacións.
  15. síndrome de Turner PAT Malformación conxénita que se debe á existencia dun só cromosoma sexual

Palabras veciñas