positivo -va

< lat positīvu
Plural: positivos Masculino: positivo Masculino plural: positivos Feminino: positiva Feminino plural: positivas
  1. adx
    1. Que non ten dúbida nin discusión.
    2. Aplícase ao coñecemento baseado nos feitos e na experiencia.
  2. adx DER/RELIX Relativo ao dereito ou á lei promulgados ou establecidos a partir duns libros sagrados determinados.
  3. adx IMAX Aplícase á proba fotográfica, obtida do negativo, en que as luces e as sombras son iguais ás do orixinal. Tm s m.
  4. adx Que considera o carácter práctico e útil.
  5. adx Que é afirmativo ou construtivo, en oposición ao negativo.
  6. adx Que é beneficioso ou favorable.
  7. adx FÍS
    1. Aplícase á electricidade que se produce en certos corpos ao seren fretados cun trapo.
    2. Aplícase ao polo dun xerador eléctrico que pode recibir electróns do circuíto exterior.
  8. adx FILOS Que só atende aos feitos e aos resultados da experiencia.
  9. adx MAT
    1. Aplícase á dirección, á semirrecta ou á superficie oposta á correspondente negativa, con relación a unha orixe fixada convencionalmente.
    2. Aplícase ao ángulo que ten o sentido contrario ao do xiro das agullas do reloxo.
  10. adx MAT
    1. Aplícase ao número ou á magnitude máis grandes que cero.
    2. Aplícase ao signo (+), utilizado para designar os números e magnitudes positivos e a operación de sumar.

Citas

  • Aqueles feitos tiveron consecuencias positivas
  • Deu unha resposta positiva
  • É un home moi positivo sempre tan optimista
  • Na conta tiña un saldo positivo

Palabras veciñas