anel

< lat anellu
Plural: aneis
  1. s m
    1. Pequeno círculo de ouro, prata ou outros metais que se leva no dedo como adorno.
    2. Aro pequeno que serve para soster algo.
  2. s m Peza de ferro cuadrangular, cun gonzo que serve para subir e baixar a punta do arado e facer que se afunda máis na terra.
  3. s m ANAT Cada un dos segmentos que compoñen o corpo dos anélidos e o esqueleto externo dos artrópodos.
  4. s m ARQUIT
    1. Moldura que rodea os fustes das columnas.
    2. Cornixa en que se apoia a cúpula.
  5. s m BOT Aro que circunda o pé dalgunhas especies de fungos.
  6. s m ENX Elemento básico do recheo dunha columna. A función dos aneis é proporcionar un recheo coas características desexadas de superficie específica, perda de carga e mollabilidade
  7. s m MAR Argola empregada no aparello do cerco para poder pechar o cope.
  8. s m MAT Estrutura alxébrica formada por un conxunto e dúas operacións, a adición e a multiplicación, que presentan as seguintes propiedades: a) a adición é conmutativa; b) a multiplicación é asociativa; c) a multiplicación é distributiva respecto á adición.
  9. s m QUÍM Cadea pechada de átomos que pode estar formada por un número ilimitado de átomos. OBS: Tamén se denomina ciclo.
  10. s m TÉXT Círculo de metal empregado para guiar o corredor nas máquinas continuas de fiar e de retorcer.
  11. anel astronómico ASTRON Tipo de astrolabio náutico simplificado.
  12. anel central ARQUEOL Elemento arquitectónico que aparece nalgunhas mámoas construído con pequenos bloques líticos que ocupan unha posición central no conxunto tumular.
  13. anel conmutativo MAT Anel en que a multiplicación é conmutativa.
  14. anel de colisión FÍS Acelerador de partículas en que se fan chocar moreas de partículas de sentidos contrarios.
  15. anel esférico MAT Sólido producido pola rotación dun segmento de círculo arredor dun diámetro deste círculo que non corta o segmento.
  16. aneis de medra BOT Aneis concéntricos, alternativamente claros e escuros, visibles nas seccións transversais dos troncos das árbores.

Sinónimos

Citas

  • A marca que aparece no anel do cigarro é americana
  • Apertamos ben o anel para que non saíse do sitio
  • Desprendeuse a cortina por mor do anel que rompeu
  • Ó romperse un dos aneis xa non puiden poñer a cadea no pescozo
  • Regaleille antes da voda un anel de ouro con brillantes

Frases feitas

  • Caer os aneis. Non querer facer algo porque se considera humillante ou indigno. Ex: ¡Non che van caer os aneis por acompa

Palabras veciñas