amarelo -la

Plural: amarelos Masculino: amarelo Masculino plural: amarelos Feminino: amarela Feminino plural: amarelas
  1. adx Que é da cor do ouro ou semellante.
  2. adx Aplícase a unha persoa á que lle falta a cor.
  3. s m FÍS Unha das cores que se distinguen no espectro solar, entre o laranxa e mais o verde. As lonxitudes de onda da luz amarela están comprendidas entre 5.700 e 5.970 Å.
  4. QUÍM/IND
    1. s m Materia colorante amarela.
    2. amarelo de acridina Colorante básico amarelo derivado da acridina que se empregou en medicina como bactericida.
    3. amarelo de cadmio Pigmento de cor entre verdosa e laranxa, obtido por tratamento dunha solución de sulfato ou cloruro de cadmio con sulfuro alcalino ou sulfuro de hidróxeno.
    4. amarelo de Cassel Pigmento obtido por combinación do cloruro de chumbo con óxido do mesmo metal.
    5. amarelo de cobalto Pigmento formado por hexanitrocobaltato (III) de potasio, moi resistente á luz e que se escurece mesturado coas lacas. Emprégase na técnica de acuarela.
    6. amarelo de Nápoles Pigmento formado por antimoniato de chumbo que contén óxidos de cinc e bismuto, e que foi moi empregado en pintura artística.
    7. amarelo de París/de cromo Pigmento formado por cromato de chumbo que se emprega en pintura e na estampaxe de tecidos de algodón.
  5. raza amarela Raza humana oriunda de Asia principalmente, que se caracteriza por ter a pel amarelada.

Palabras veciñas