glándula

< lat glandŭla
Plural: glándulas
  1. ANAT/ZOOL
    1. s f Célula ou conxunto de células illadas ou agrupadas nun órgano determinado con función secretora, endócrina ou interna e exócrina ou externa, de substancias de tipo hormonal ou encimático.
    2. glándula apócrina Glándula que segrega en gran cantidade substancias propias da célula.
    3. glándula de Bartholin Glándula do aparato xenital feminino, que desemboca en cada costado do orificio vaxinal dalgúns mamíferos, e que segrega un líquido mucoso, destinado a lubrificar o aparato xenital no momento do coito.
    4. glándula de Brunner Glándula situada no duodeno e disposta en dúas capas separadas pola muscularis mucosae que intervén na formación do zume intestinal.
    5. glándula de Cowper Glándula situada baixo a próstata, que segrega un produto alcalino, viscoso e mucoso que lubrifica a uretra e contrarresta o seu pH ácido. OBS: Tamén se denomina glándulas bulbouretrais.
    6. glándula de Malpighi Glándula tubulosa simple situada na derme da mucosa do tubo dixestivo, desde o píloro ata o intestino groso.
    7. glándula de Meibomio Folículo sebáceo localizado entre a cartilaxe tarsal e a conxuntiva palpebral, que produce unha secreción especial que, ao secar, forma as lagañas.
    8. glándula de Naboth Glándula mucosa situada ao redor do orificio do colo uterino.
    9. glándula de Skene Glándula situada na parte final da uretra feminina.
    10. glándula de Zeis Glándula situada no contorno libre da pálpebra que se presenta en número de dúas por cada folículo piloso, ao lado das glándulas ciliares.
    11. glándula intersticial Glándula de secreción endócrina que se sitúa entre os folículos ováricos ou os tubos seminíferos, e que segrega hormonas femininas ou masculinas, respectivamente.
    12. glándula lacrimal Glándula tubuloalveolar que se sitúa na posición antero-superior e externa da cavidade orbitaria e segrega as bágoas.
    13. glándula mamaria mama.
    14. glándula odorífera Glándula exócrina propia dos mamíferos, réptiles, insectos e algúns miriápodos que segrega substancias para establecer unha comunicación intraespecífica, ou como mecanismo de defensa.
    15. glándula paratiroide Glándula endócrina que se sitúa arredor da tiroide e que segregan a hormona paratiroide (paratormona).
    16. glándula pineal glándula pineal.
    17. glándula pituitaria hipófise.
    18. glándula prostática próstata.
    19. glándula salivar Glándula que segrega a saliva no interior da cavidade bucal ou nas súas proximidades.
    20. glándula sebácea Glándula exócrina que desemboca no folículo piloso ou directamente na superficie cutánea, e segrega o sebo que impregna a pel e os pelos. OBS: Tamén se denomina folículo sebáceo.
    21. glándula sericíxena Glándula dos arácnidos que se sitúa na parte ventral do abdome e que segrega unha substancia viscosa, ou seda, con que tecen as arañeiras.
    22. glándula sudorípara Glándula exócrina da pel que segrega a suor.
    23. glándula suprarrenal Glándula endócrina situada en posición retroperitoneal na parte superior de cada ril. Segrega adrenalina e noradrenalina, e sintetiza os mineralcorticoides, os glicocorticoides e os andróxenos.
    24. glándula tiroide tiroide.
    25. glándula velenosa Glándula que se localiza nun gran número de animais, coma peixes ou anfibios, e que serve para segregar substancias tóxicas que empregan para defenderse ou para atacar.
    26. glándula xenital/sexual feminina ovario.
    27. glándula xenital/sexual masculina testículo.
  2. s f BOT Célula ou conxunto de células que acumulan ou expulsan, ao exterior ou a unha cavidade, os produtos de secreción que produce a planta.

Palabras veciñas