empresa

< ital impresa
Plural: empresas
  1. s f Acción e efecto de emprender.
  2. ECON
    1. s f Entidade económico-xurídica integrada polos elementos da produción, capital e traballo, para a obtención de bens ou de servizos con fins lucrativos.
    2. empresa asociada Empresa sobre a que exercen influencia outras empresas a través dunha participación no seu capital social.
    3. empresa de traballo temporal [ETT] Empresa que se dedica a poñer en disposición doutra empresa usuaria, e de forma temporal, os traballadores contratados pola primeira.
    4. empresa filial Empresa controlada por unha empresa matriz posuidora dun número suficiente de accións que lle outorgan o control.
    5. empresa matriz Empresa que constitúe outras empresas filiais, ás que dirixe, mediante o control maioritario da propiedade.
    6. empresa multinacional Empresa que posúe sociedades que operan en diversos países. OBS: Tamén se denomina empresa supranacional ou transnacional.
    7. empresa privada Empresa en que o capital é individual ou pertencente a un conxunto de persoas denominadas socios.
    8. empresa pública Empresa en que o capital é propiedade total ou maioritariamente dunha institución pública, e a súa finalidade é a de producir bens e ofertar servizos de interese xeral.
    9. pequena e mediana empresa [PEME] Conxunto de empresas catalogadas pola Comunidade Europea segundo criterios de facturación, capital e número de traballadores.
  3. s f HIST Compromiso de tipo militar asumido mediante xuramento por un cabaleiro.

Palabras veciñas