carta

< lat charta gr χάρτης ‘carta’
Plural: cartas
    1. s f Comunicación escrita, xeralmente pechada, enviada por unha persoa a outra.
    2. carta aberta Carta enviada a un particular e que se fai pública simultaneamente para o coñecemento de todo o mundo, xeralmente a través dun medio de comunicación.
    3. carta certificada Carta que se entrega nunha oficina de correos pagando o selo correspondente e cubrindo un xustificante que obriga á empresa receptora a probar que chegou ao seu destino, a devolvela se non se atopa o destinatario ou a pagar unha determinada indemnización en caso de extravío.
  2. s f XOGO Folla rectangular de cartolina con figuras pintadas nun dos lados, que forma parte dun conxunto de 48 a 52 elementos divididos en catro series ou paus.
  3. s f Documento que acredita determinados dereitos ou servizos para a identificación persoal con validez oficial.
    1. s f Mapa no que se representan determinadas características xeográficas e atmosféricas cun fin orientativo.
    2. carta aeronáutica AERON Mapa deseñado especialmente para o uso da navegación aérea.
    3. carta celeste ASTRON Representación que se fai nun plano das estrelas e dos elementos máis importantes da esfera celeste.
    4. carta do tempo METEOR Carta ou mapa nos que se representan os datos e as análises que describen o estado da atmosfera sobre unha grande área nun momento determinado.
    5. carta magnética XEOG Mapa no que se representan as características magnéticas dunha zona determinada.
    6. carta mariña/de marear/náutica/de navegación MAR Mapa destinado principalmente aos navegantes, no que se describe a costa, a localización dos escollos ou elementos perigosos para a navegación e que ofrece referencias do fondo mariño e dos sinais que poden servir de guía ao bordear a costa ou penetrar nun porto.
  5. s f Lista impresa dos pratos e bebidas que se poden consumir nun establecemento de hostalaría.
  6. s f ARQUIV
    1. Calquera documento, título ou contrato escrito.
    2. Diploma ou acta solemne.
  7. HIST
    1. s f Documento polo que o rei ou un nobre recoñecía certos privilexios ou facía constancia dunha doazón.
    2. carta de couto Documento emanado da Corte castelá-leonesa durante o s XII, polo que o rei concede a un señor, normalmente un mosteiro, unha serie de dereitos sobre un territorio e os seus habitantes, que consisten en prestacións persoais e económicas.
    3. carta de poboamento Documento no que se recolle a concesión outorgada polo monarca ou polo señor dunhas terras despoboadas aos novos habitantes dun lugar, e que regula e establece as normas e condicións polas que se rexerá a vida xurídica da comunidade no futuro.
    4. carta foral Documento propio dos reinos hispánicos medievais, que xurdiu a partir do s XI, e polo que o rei concedía aos concellos o dominio dun amplo territorio e acordaba con eles as condicións de participación no seu repoboamento.
    5. carta fundacional Documento polo que, xeralmente o rei, recoñecía a fundación dun mosteiro ou igrexa, acompañado dunha enumeración dos bens que pertencían á institución e dos membros que a compoñían nese momento.
  8. RELIX
    1. carta apostólica Carta emanada do papa como persoa pública.
    2. carta pastoral Escrito de exhortación, consello ou información que o bispo envía á clerecía ou ao pobo da súa diocese.
  9. DER
    1. carta credencial Documento que recibe un embaixador ou ministro para que sexa oficialmente recoñecido.
    2. carta municipal/provincial Réxime xurídico especial de carácter organizativo e económico que pode conceder o Estado aos concellos ou ás deputacións.
  10. ECON
    1. carta de despedimento Documento polo que o empresario notifica a un traballador que vai ser despedido do seu posto de traballo, e no que se inclúen as razóns do mesmo e a data da súa entrada en vigor.
    2. carta de pagamento Documento no que o acredor confesa recibir do debedor a cantidade debida.
  11. POLÍT
    1. s f Declaración programática e fundamental de principios xerais.
    2. carta magna constitución.
    3. carta outorgada Documento constitucional concedido por un monarca sen intervención das cámaras representativas.
  12. carta de axuste COMUN Debuxo que aparece nos canais de televisión para comprobar a calidade da imaxe, formado por figuras xeométricas, bandas e liñas de diferentes cores.

Sinónimos

Confrontacións

Citas

  • A carta do restaurante no que ceamos estaba en francés
  • A entrada ao teatro é máis barata se levas a carta de estudiante
  • Recibín unha carta súa a semana pasada e respondinlle onte

Frases feitas

  • A carta cabal. Por completo, pondera sempre unha calidade moral.
  • Perder con boas cartas. Non lograr algunha pretensi
  • Tomar cartas no asunto. Intervir nun tema ou negocio.
  • Xogar a derradeira carta. Facer un
  • A cartas cartas e a palabras palabras. Tratar a unha persoa con respecto.
  • A cartas vistas. Con total sinceridade.
  • Botar as cartas. Facer certas combinaci
  • Cartas cantan. Empr
  • Dar carta branca. Deixarlle a algu
  • Escribir unha carta. Defecar.
  • Non ver cartas. Non ter boas cartas no xogo.

Palabras veciñas