canle

< lat canale
Plural: canles
  1. s f ENX/XEOG canal.
  2. s f Peza do muíño construída con lousas de pedra, unha na base e dúas formando as paredes laterais, que posúe unha capacidade grande.
  3. s f Parte profunda do suco que vai deixando o arado ao romper na terra.
  4. ANAT
    1. s f Conduto que une dúas estruturas anatómicas definidas, polo que circulan substancias líquidas ou semilíquidas.
    2. canle dixestiva tubo dixestivo.
    3. canle pneumática Conduto que, nos peixes teleósteos, pon en comunicación a vexiga co tubo dixestivo.
  5. s f ANAT Suco dun óso ou doutra estrutura anatómica calquera.
  6. s f BOT Cavidade alongada dun vexetal.
  7. s f XEOG
    1. Paso estreito e alongado entre montañas.
    2. Fenda de grandes dimensións aberta en forma vertical nunha penedía que presenta poucas dificultades para a ascensión ou o descenso.
    1. s f  Axente, vía, medio ou procedemento a través do que se transmite unha cousa.
    2. canle de distribución ECON Conxunto dos procesos intermedios propios da condución dos bens económicos desde o lugar de produción ata a unidade de consumo.
  9. s f LING Medio polo que un emisor transmite mensaxes a un receptor ou destinatario.
  10. s f COMUN
    1. Cada unha das dúas vías de transmisión do programa que determinan o efecto estereofónico.
    2. Banda de frecuencias dunha transmisión.
  11. s f COMUN Conxunto de elementos para a transmisión nun só sentido, desde o transmisor ata o receptor.
  12. s f ARQUIT
    1. Moldura cóncava tallada nunha columna ou noutro obxecto.
    2. Moldura vertical e cóncava que decora o fuste das columnas ou das pilastras.

Sinónimos

Citas

  • As canles de información nas que se basea non son moi fiables

Palabras veciñas