bóveda

< lat *volvĭta volvĕre ‘volver, voltear’
  1. ARQUIT
    1. f Construción arquitectónica, de sección curva, que permite cubrir o espazo comprendido entre dous muros, piares ou columnas.
    2. bóveda claustral/esquifada Bóveda formada pola intersección de dúas bóvedas de canón sobre un soporte continuo, cadrado ou rectangular.
    3. bóveda de abano/palmeada Bóveda en que os nervios semellan varas dun abano ou pólas dunha palmeira.
    4. bóveda de aresta Bóveda que resulta do cruzamento perpendicular de dúas bóvedas de canón da mesma frecha.
    5. bóveda de canón Bóveda orixinada polo desprazamento dun arco de medio punto ao longo do seu eixe lonxitudinal.
    6. bóveda de canón apuntado Bóveda orixinada polo desprazamento dun arco apuntado ao longo dun eixe lonxitudinal.
    7. bóveda de cruzaría/nervada/de oxivas Bóveda que ten as arestas reforzadas por nervios.
    8. bóveda de medio punto Bóveda de canón con arco de medio punto.
    9. falsa bóveda cúpula.
  2. bóveda celeste ASTRON ceo.
  3. bóveda cranial ANAT Conxunto de ósos (frontal, occipital, parietais e temporais) que protexen o encéfalo.
  4. bóveda palatina ANAT Parte posterior e branda do padal.

Confrontacións

Citas

  • A bóveda da igrexa estaba decorada con frescos

Palabras veciñas