asentamento

1. s m

   Acción e efecto de asentar ou asentarse.

2. s m

   Sentido común.

3. s m [DER ]

   Anotación que se fai no libro de rexistro.

4. s m [ECON ]

   Anotación que se fai nun libro contable referente a unha operación mercantil determinada para poder seguir as flutuacións da situación inicial.

5. s m

   Parte dunha cousa sobre a que se asenta outra.

6. s m

   1. Lugar onde se establece unha persoa para vivir.

   2. Feito polo que os colonos se establecen naquelas terras que lle foron asignadas.

7. s m [BÉL ]

   Lugar ofensivo ou defensivo que ocupa cada unha das armas pesadas dunha unidade ou conxunto.

8. s m [CONSTR ]

   Movemento de descenso que fan as terras e os cimentos, piares ou paredes dunha construción a medida que van recibindo o peso das construcións que soportan.

9. s m [MAR ]

   Diferenza entre o calado de popa e o de proa que caracteriza a pendente da quilla en relación co plano de flotación.

10. s m [TECNOL ]

    Primeiro período de funcionamento dunha máquina durante o que os seus mecanismos traballan con axuste de serradura e que se estende ata que, polo rozamento, chega ao axuste óptimo.

Sinónimos

Citas

• É a persoa con máis asentamento de todas as que traballa aquí
• O asentamento correcto da válvula permitiu saír o gas
• O mal asentamento dunha trabe foi a causa do accidente
• O seu asentamento dende hai cinco anos é a cidade de Vigo
• Os asentamentos de xudeus en Cisxordania foron rexeitados polos palestinos