acelerador -ra

1. adx

   Que acelera.

2. s m

   Dispositivo que acelera ou retarda o movemento dun mecanismo.

3. s m [ARQUEOL ]

   ariante do método do Carbono 14 realizada mediante o acelerador ou coa espectometría de aceleración de partículas. Mide a cantidade de isótopo na mostra contando directamente os átomos remanentes, en lugar de facelo a través da súa radiación.

4. s m [ASTRON ]

   Motor-foguete auxiliar de gran potencia que serve para dar a un foguete espacial pesado a velocidade inicial.

5. s m

   1. Mecanismo que comanda a admisión da mestura gasosa nun motor endotérmico.

   2. Pedal ou panca que ao accionarse pon en funcionamento este mecanismo.

6. s m [FÍS ]

   Dispositivo destinado a acelerar os electróns nun tubo de raios catódicos ou en calquera tubo electrónico.

7. s m [QUÍM/IMAX ]

   Composto químico engadido aos reveladores para acelerar a acción lenta dos axentes redutores.

8. s m [TECNOL ]

   Bomba intercalada nun circuíto de calefacción central que activa a circulación da auga.

9. acelerador de partículas [FÍS ]

   Complexo de dispositivos deseñado para acelerar partículas materiais, coas que se provocan colisións violentas. O obxecto dun acelerador é fornecer feixes intensos de partículas con elevada enerxía cinética, provocar colisións entre eles e estudar os residuos destes choques.

Citas

• Estragouse o acelerador da máquina de embotellar e tiveron que parar a producción unha semana
• O fuxido pisou o acelerador do seu coche e conseguiu escapar