signo

Aquilo que, por convención ou relación natural, representa unha cousa.

Símbolo que se emprega para indicar unha operación ou caracterizar unha magnitude.

Sinal, acontecemento ou palabra que se interpreta como a manifestación e presenza do transcendente ou divino.

Sinal gráfico que complementa as notas dunha partitura e que permite facer unha interpretación correcta dela.

Cada unha das doce partes en que se supón está dividido o zodíaco.

Signos ortográficos con que se marcan pausas, entoacións ou anotacións.

Unidade lingüística que está formada pola unión dun significante e un significado.

Sinal particular e rexistrado que cada notario debuxa á man antes da sinatura que autoriza un documento público.

Propiedade que presentan os minerais anisotrópicos transparentes cando, cortados en láminas finas, son observados cun microscopio con luz polarizada.