redución

1. s f

   Acción e efecto de reducir ou reducirse.

2. 1. s [HIST ]

      ila destinada aos indios para conseguir un control xeral da poboación sometida, favorecer a súa conversión ao cristianismo e facilitar o control do pagamento do tributo e a realización das servidumes coloniais.

   2. redución xesuítica / [HIST/RELIX ]

      Comunidade agrícola de indios guaranís creada polos xesuítas no s XVII, na parte SL de Paraguay e parte da provincia arxentina de Misiones.

3. s f [QUÍM ]

   Proceso en que o número de oxidación dun elemento diminúe a causa da ganancia dalgún electrón.

4. s f

   1. Operación mediante a que se reduce á primeira figura do siloxismo as outras figuras deste.

   2. Siloxismo en que a maior premisa é evidente de seu, en tanto que a menor soamente é probable.

5. s f

   1. Operación coa que se establece que unha realidade ou un fenómeno determinados non son senón outra realidade ou outro fenómeno, considerados como máis reais ou fundamentais e a partir dos que quedan explicados aqueles.

   2. Proceso mediante o que se deixan en suspenso todos os datos e conviccións relacionados co acto de coñecemento, para centrarse exclusivamente neste mesmo acto.

6. 1. s

      Conxunto de operacións ás que se someten os resultados dunha observación astronómica, co fin de eliminar os efectos de todos aqueles factores que poden influír sobre a exactitude da medida.

   2. redución no ecuador

      Diferenza entre a lonxitude astronómica do Sol verdadeira e a súa ascensión recta.

7. redución catódica/electrolítica [FÍS/QUÍM ]

   Redución que se produce no cátodo durante os procesos de electrólise a causa da cesión de electróns por parte daquel.

8. redución de capital [ECON ]

   Operación financeira pola que unha empresa diminúe o seu capital social.

9. redución de fraccións a un común denominador [MAT ]

   Operación que consiste en multiplicar o denominador e o numerador de cada fracción polo número axeitado, co fin de que todas as fraccións resulten co mesmo denominador.

10. redución no horizonte [XEOG ]

    Operación que consiste en atopar o valor da distancia horizontal que corresponde á distancia real entre dous puntos do terreo, multiplicando esta última distancia polo coseno do ángulo da pendente do terreo.

Antónimos

Formas incorrectas