raio

1. 1. s

      Dirección en que avanza a enerxía que se propaga nunha onda electromagnética.

   2. s

      Representación convencional da traxectoria dunha radiación ou un feixe de partículas na súa propagación polo espazo.

   3. raio extraordinario

      Raio en que se divide a luz que incide sobre un material sólido birrefrinxente e que ten dirección diferente á do eixe óptico do material.

   4. raio ordinario

      Raio en que se divide a luz que incide sobre un material birrefrinxente e que corresponde ao raio refractado segundo as leis da refracción.

   5. raios corpusculares

      Radiación de natureza corpuscular que pode ser emitida por substancias radioactivas, raios catódicos ou raios cósmicos.

2. 1. s [MAT ]

      Distancia desde o centro dun círculo ou dunha esfera ata calquera punto da circunferencia do círculo ou da superficie da esfera.

   2. raio de xiro [AUTOM ]

      Raio mínimo da circunferencia descrita pola roda directriz exterior dun vehículo automóbil ao efectuar unha viraxe permitida polo seu sistema de dirección. OBS: Tamén se denomina raio de viraxe.

   3. raio vector [MAT ]

      ector que vai desde unha orixe ou punto fixo determinado ata un punto variable.

3. s m [FÍS/METEOR ]

   Descarga eléctrica atmosférica entre as nubes e a terra, ou entre dúas nubes, e que vai acompañada dun lóstrego e dun trono.

4. s m

   Barra ou variñas que unen o eixe dunha roda coa súa circunferencia.

5. 1. s

      Espazo circular definido polo seu raio xeométrico.

   2. raio de acción [AERON ]

      Distancia que unha aeronave pode percorrer sen proverse de combustible en voo, en condicións definidas de peso inicial e carga de combustible.

6. s m [ZOOL ]

   Cada unha das pezas delgadas, longas e agudas, xeralmente paralelas entre si, que sosteñen as aletas dos peixes.

7. raio verde [ASTRON/METEOR ]

   Lampo luminoso e instantáneo de cor verde que se observa en días moi claros no punto en que o disco solar está a punto de saír ou de desaparecer polo horizonte do mar.

8. raios crepusculares [ASTRON/METEOR ]

   Iluminación difusa debida á presenza de diminutas partículas de po e humidade no aire, que precede á aurora e segue á posta de sol.

Frases hechas

• Coma un raio. De forma moi r