aplicación

1. s f

   Acción e efecto de aplicar ou aplicarse.

2. s f

   Posibilidade de servir ou ser utilizado para algo.

3. s f [TÉXT ]

   Ornamentación que se pon sobre unha peza de roupa para enfeitala.

4. s f [MAT ]

   Correspondencia entre dous conxuntos onde todo elemento do primeiro conxunto ten unha soa imaxe no segundo conxunto.

5. s f [DER/ECON ]

   Operación bolsista na que se unen ordes de signo contrario.

6. s f [FILOS ]

   Adaptación do sentido dunha situación e momento concretos desde os que se exerce a comprensión do texto interpretado.

7. aplicación lineal [MAT ]

   Aplicación establecida entre dous espazos vectoriais, E e F, de xeito que para dous elementos calquera x, y de E cúmprese: f(x+y)=f(x)+f(y) e f(λx)= λf(x) onde λ é un escalar.

Sinónimos

Citas

• A súa aplicación no estudio levouna ao doutoramento
• A túa cazadora leva unhas aplicacións de flores
• Unha das aplicacións do algodón é a confección