pulga

1. s f [ANIMAL/ENTOM ]

   Insecto, da orde dos sifonápteros, de pequenas dimensións, corpo comprimido, sen ás, con aparato bucal picador-zugador e patas longas, que vive como ectoparasito temporal dos vertebrados homotermos (aves e mamíferos), aos que zuga o sangue.

2. 1. pulga de area [Talitrus saltator]

      Crustáceo anfípodo, da familia dos gammáridos, que viven nas praias, baixo as materias vexetais, e na area húmida.

   2. pulga de auga

      Crustáceo do xénero Daphnia, da familia dos dáfnidos, co corpo protexido por unha cuncha que deixa libre a rexión cefálica, e que habita en augas doces.

Refranes

• A pulga que matan á unlla, espérea o seu home na lúa.
• A pulga que vai á orella co diaño se aconsella.