planificación

Acción e efecto de planificar.

Sistema, a medio e a longo prazo, para establecer proxectos de desenvolvemento e programas de explotación para a xestión óptima da empresa.

Práctica de control de nacementos que representa a atención dos aspectos psicolóxicos, médicos, familiares, sociais, económicos ou demográficos que condicionan a natalidade.

Conxunto de intervencións organizadas de maneira consciente e sistemática para influír sobre a forma e as funcións das variedades lingüísticas presentes nun marco social determinado.

Práctica que contribúe a conformar as cidades segundo unhas determinadas tendencias que axustan a súa imaxe e o espazo urbano aos procesos de transformacións socioeconómicas.