oído

1. s m

   Sentido polo que se perciben os sons.

2. s m [ZOOL ]

   Órgano dos animais que permite detectar as vibracións producidas no medio, e que constitúe ademais o órgano do equilibrio.

3. s m

   Capacidade para recoñecer a música.

4. oído externo [ANAT ]

   Parte do oído que consta do pavillón, superficie en gran parte cartilaxinosa, e do conduto auditivo externo, que está protexido por pelos finos e cerume.

5. oído interno [ANAT ]

   Parte do oído que comprende o labirinto óseo e o labirinto membranoso, onde a enerxía mecánica se transforma en enerxía eléctrica, que estimula a transmisión nerviosa ao cerebro.

6. oído medio [ANAT ]

   Cavidade estreita e irregular do oído, que vai a continuación da membrana timpánica e que comunica directamente coa farinxe mediante a trompa de Eustaquio.

Citas

• Nunca tivo bo oído e por iso desafina tanto cando canta