metralla

1. s f [BÉL ]

   Munición composta por anacos miúdos de ferro, cobre, cinc, cravos e outros materiais coa que se cargaban diversas pezas de artillaría e algúns artefactos explosivos.

2. s f [BÉL ]

   Conxunto de fragmentos en que se parten os proxectís despois da súa explosión.

3. s f [BÉL ]

   Conxunto de proxectís disparados cunha arma automática.

4. s f

   Conxunto de anacos miúdos de ferro coado que saltan fóra dos moldes ao facer os lingotes.

5. s f

   Conxunto de cousas inservibles que se acumulan nun lugar.

6. s f

   Gran cantidade de calquera cousa.

Citas

• Deixa de meter tanta metralla no armario que xa non colle nada
• Se che apetece un pexego tes metralla deles na horta