mecánica

1. s f [FÍS ]

   Rama da física que estuda o cambio de lugar, o desprazamento ou o movemento localizado, tanto dos corpos coma dos corpúsculos microfísicos.

2. s f

   Modo en que algo funciona.

3. s f

   Estudo das máquinas e da súa construción e funcionamento.

4. mecánica analítica [FÍS ]

   Parte da mecánica que deu un novo tratamento matemático aos problemas, producindo sistematicamente as ecuacións que rexen un sistema mecánico.

5. mecánica celeste [ASTRON ]

   Ciencia do desprazamento dos astros que se apoia nos instrumentos ópticos, que reciben as ondas electromagnéticas emitidas polos astros.

6. mecánica clásica/newtoniana/racional [FÍS ]

   Parte da mecánica que explica o movemento dos corpos de xeito matemático, aínda que non é válida para casos nos que a velocidade é próxima á da luz.

7. mecánica cuántica [FÍS ]

   Parte da mecánica que explica a estrutura e o comportamento dos átomos e as moléculas.

8. mecánica cuántica-relativista [FÍS ]

   Parte da mecánica cuántica que inclúe as teorías da relatividade.

9. mecánica de fluídos [FÍS ]

   Parte da mecánica que estuda o equilibrio e o movemento dos fluídos e a súa relación coas forzas que os producen ou que se lles opoñen.

10. mecánica dos medios continuos [FÍS ]

    Parte da mecánica que se ocupa dos sistemas que están constituídos por un número tan grande de partículas, que é practicamente imposible estudar o movemento de cada unha delas por separado.

11. mecánica estatística [FÍS ]

    Parte da mecánica que, aplicando métodos estatísticos, se ocupa de describir as propiedades macroscópicas dos sistemas físicos que están constituídos por un número moi grande de corpúsculos.

12. mecánica ondulatoria [FÍS ]

    Teoría que suxire que, ao igual que as ondas electromagnéticas presentan algunhas características corpusculares, as partículas poden ter propiedades ondulatorias, o que se coñece como dualidade onda-corpúsculo.

13. mecánica relativista [FÍS ]

    Parte da mecánica que se basea na teoría da relatividade, e que estuda os obxectos que se moven a velocidades elevadas, próximas ás da luz.

Sinónimos

Citas

• En canto aprendas a mecánica do traballo todo che será moi doado
• O mellor deste modelo de coche é a súa mecánica
• Quere aprender mecánica e montar un taller de reparación de motos