magnitude

1. s f [FÍS ]

   Calquera propiedade dun corpo que pode ser medida.

2. s f

   1. Característica dun astro relativa á súa luminosidade, que consiste nun valor numérico que se atribúe arbitrariamente e que permite establecer unha clasificación comparativa.

   2. magnitude absoluta

      Magnitude aparente que ten un astro situado a dez parsecs da Terra.

   3. magnitude aparente

      Medida do fluxo luminoso que un observador terrestre capta dun astro.

   4. magnitude visual

      Magnitude aparente dun astro, que se mide utilizando un fotómetro.

3. s f

   Grandeza ou importancia de algo.

Citas

• Fixo un debuxo do monumento anotando as súas magnitudes
• Non pensaron que aqueles comentarios tivesen tanta magnitude