luz

1. 1. s [FÍS ]

      Forma de enerxía, que é capaz de impresionar os órganos da vista e permitir ver os corpos que a emiten, constituída por radiacións electromagnéticas e ocupa un intervalo moi pequeno no espectro electomagnético coñecido. É unha forma de enerxía radiante que se presenta simultaneamente en forma de partículas (fotóns), e en forma de ondas.

   2. s [TECNOL/FÍS ]

      Cantidade de electricidade que atravesa a sección dun condutor na unidade de tempo.

   3. luz artificial [IND ]

      Luz producida por un aparato de iluminación. Segundo a enerxía empregada para producila fálase de luz eléctrica ou de gas.

   4. luz branca/acromática / [FÍS/IND ]

      Luz que non produce ningunha sensación de cor definida. Trátase dunha luz policromática máis ou menos semellante á luz solar.

   5. luz directa [IND ]

      Luz que procede do foco luminoso sen reflexións nin difusións intermedias.

   6. luz fría / [FÍS/IND ]

      Luz que se produce por luminiscencia.

   7. luz indirecta [IND ]

      Luz que chega ao obxecto iluminado despois de ser difundida ou reflectida.

   8. luz monocromática [FÍS ]

      Luz constituída por ondas electromagnéticas da mesma frecuencia.

   9. luz natural [IND ]

      Luz emitida por unha fonte luminosa natural. A máis corrente e útil é a que provén do Sol, que se denomina tamén luz solar ou de día.

   10. luz natural/ordinaria [FÍS ]

       Luz constituída por ondas electromagnéticas de amplitude e fases calquera e cos correspodentes vectores eléctricos orientados en direccións que varían ao azar no transcurso do tempo.

   11. luz negra/de Wood [FÍS ]

       Ondas electromagnéticas do espectro ultravioleta.

   12. luz polarizada [FÍS ]

       Luz constituída por unha onda electromagnética polarizada.

   13. luz policromática [FÍS ]

       Luz constituída por ondas electromagnéticas de distintas frecuencias.

   14. luz zodiacal / [METEOR/ASTRON ]

       Luminosidade feble e difusa que se observa na parte de poñente do ceo despois do crepúsculo vespertino e na parte de levante pouco antes da alba.

2. 1. s [IND ]

      Aparato de iluminación destinado a repartir, filtrar ou transformar a luz das lámpadas, e que comprende, ademais, todos os elementos necesarios para fixar e protexer ditas lámpadas, ademais dos dispositivos de conexión ao circuíto de alimentación.

   2. s [TRANSP ]

      Dispositivo luminoso situado nun lugar visible do exterior dun vehículo ou dun aparato que se emprega para indicar o seu funcionamento, posición ou situación.

   3. luz de cruzamento/curta [TRANSP ]

      Luz cun alcance de ata 40 m que empregan os automóbiles ou motocicletas.

   4. luz de estrada/longa [TRANSP ]

      Luz cun alcance mínimo de 100 m, que empregan os automóbiles e motocicletas.

   5. luz de freo [TRANSP ]

      Luz da parte posterior dos automóbiles ou motocicletas que se acenden automaticamente ao pisar o pedal do freo.

   6. luz de gálibo [TRANSP ]

      Luz situada nos ángulos superiores dos camións e autocares de máis de 2 m de anchura e 6 m de longo.

   7. luz de marcha atrás [TRANSP ]

      Luz da parte posterior dos automóbiles que se acende cando se efectúan manobras de marcha atrás.

   8. luz de néboa [TRANSP ]

      Luz situada na parte dianteira e traseira do vehículo que reforza a capacidade de iluminación das luces de estrada en circunstancias de escasa visibilidade.

   9. luz de poboación/de cidade [TRANSP ]

      Cada unha das luces cun alcance menor de 100 m, que empregan os automóbiles e motocicletas, cando circulan por unha poboación ou por unha estrada cando circula un vehículo diante.

   10. luz de posición [TRANSP ]

       Luz que, situada preto das partes máis saíntes do vehículo, serve para indicar a súa posición.

   11. luz intermitente [TRANSP ]

       Luz de funcionamento intermitente que serve para indicar as manobras laterais dun vehículo.

   12. luz de pista [AERON ]

       Dispositivo luminoso que definen de forma clara as pistas dun aeroporto para poder realizar con seguridade as manobras de aterraxe e voo das aeronaves.

3. s f

   1. Diámetro interior dun tubo ou canalización.

   2. [BIOL ]

      Espazo do interior dun intestino, dunha arteria, vea ou capilar, ou da cavidade dun órgano baleiro.

4. s f
   1. [ARQUIT ]

      Cada un dos vans que proporcionan a iluminación do interior dun edificio.

   2. [ARQUIT/ARTE ]

      Distancia horizontal entre os apoios dun arco.

5. s f fig

   Persoa, cousa ou coñecemento que ilumina a mente ou o corazón ou que serven de guía.

6. s f fig

   Capacidade intelectual dunha persoa.

7. luz de situación [MAR/AERON ]

   Luz que se emprega, de acordo co Regulamento Internacional, para prever os accidentes. Deben levala obrigatoriamente as embarcacións para sinalar a súa presenza durante a noite. O seu número, cor e disposición varía segundo as circunstancias.

Confrontaciones

Citas

• A súa filosofía foi a luz de toda unha xeración
• Non o entende porque non ten moitas luces
• O tubo está tan oxidado que xa non ten luz para que pase a auga
• O uso das luces na obra deste pintor é o seu trazo máis característico

Frases hechas

• Ver a luz 1 Ser publicado ou co

• 2 Nacer.

• 2 Xulgado pola informaci

• A todas luces. Evidentemente.

• Botar luz sobre un asunto. Aclarar un asunto.

• Dar a luz. Parir.

Refranes

• A muller e a tea quéroa á luz da candea.
• Candil con moco alumea pouco.
• Na casa do cereiro ninguén se deita ás escuras.
• Non hai mellor luz cá da mañá.