lirio

1. 1. s

      Planta herbácea do xénero Iris, que presentan un rizoma moi desenvolvido, follas alongadas, flores co perianto con seis divisións e de froitos capsulares.

   2. lirio azul [Iris latifolia]

      Planta herbácea perenne, da familia das iridáceas, que presentan un bulbo ovoide, talo oco e folioso, follas lineares e flores pedunculadas de cor azul-violáceo.

   3. lirio cardeno [Iris germanica]

      Planta herbácea perenne, da familia das iridáceas, con bulbo engrosado, talo erecto, follas opostas, grosas e que nacen da parte inferior, flores azul-violáceas, aromáticas e pedunculadas que están situadas no extremo do talo e o froito oval, dehiscente e de tipo capsular.

   4. lirio dos charcos [Iris pseudacorus]

      Planta herbácea perenne, da familia das iridáceas, que presentan un rizoma reptante e longo, follas basais glaucas, flores pediceladas e froito capsular. É velenoso para o gando, pero en medicina o rizoma pode utilizarse como purgante.

   5. lirio fétido [Iris foetidissima]

      Planta herbácea perenne, da familia das iridáceas, con talo comprimido e follas basais que emiten un olor fedorento, flores pedunculadas de cor azul-grisáceas ou amarelas e froito capsular, oblongo e con sementes vermellas. É velenoso para o gando.

2. 1. s

      Planta semellante ao lirio.

   2. lirio branco/de santo Antón [Lilium candidum]

      Planta herbácea, bulbosa, perenne, da familia das liliáceas, de follas lanceoladas e de flores grosas, brancas e olorosas.

   3. lirio bravo [Lilium martagon]

      Planta herbácea, da familia das liliáceas, de follas lanceoladas en verticilos e flores con tépalos violáceos ou vermellos.

   4. lirio de auga [Zantedischia aethiopica]

      Planta herbácea perenne, da familia das aráceas, de follas saxitadas e pecioladas, e flores en espádice amarelo, rodeado dunha espata branca.

   5. lirio de maio [Convallaria majalis]

      Planta herbácea, da familia das liliáceas, de rizoma reptante, con dúas follas radicais, oblongas agudas e dun verde brillante, e con flores brancas, campanuladas, colgantes, fragantes e dispostas en acios.

   6. lirio de mar

      cebola das gaivotas.

   7. lirio de neve [Galanthus nivalis]

      Planta herbácea bulbosa, da familia das amarilidáceas, de follas lineais e cunha soa flor branca, colgante, acompañada dunha bráctea espatácea.

   8. lirio de san Bruno [Anthericum liliago]

      Planta herbácea perenne, da familia das liliáceas, de raíz fibrosa, follas basais e flores estreladas brancas.

   9. lirio de san Xoán [Hemerocallis fulva]

      Planta herbácea perenne, da familia das liliáceas, de raíz fibrosa, follas lineais e flores grosas, laranxas, en acio laxo.

   10. lirio de trigo [Gladiolus italicus]

       Planta herbácea bulbosa, da familia das iridáceas, de follas alongadas e flores de cor vermella purpúrea, dispostas en espiga unilateral.

   11. lirio martagón [Lilium martagon]

       Planta herbácea perenne, da familia das liliáceas, con bulbo escamoso, talo folioso, follas con peciolo curto, glabras e oblongo-lanceoladas e flores pedunculadas e bracteadas.

3. lirio de mar [ANIMAL ]

   Equinodermo crinoideo, que ten un corpo caliciforme, denominado disco, e cinco brazos multiarticulados con pínulas laterais. Posúen un pedúnculo que, partindo do disco, os fixa ao substrato.

Sinónimos