liño

1. 1. s

      Planta herbácea anual, da familia das lináceas, que ten follas lanceoladas, flores azuis e froito capsular, a partir do que se obtén a fibra téxtil que recibe o mesmo nome. OBS: Tamén se denomina liño manso.

   2. liño bravo/mourisco [Linum bienne]

      Planta bianual ou perenne, da familia das lináceas, con follas lanceoladas, flores azuis e froito capsular.

   3. liño purgante [Linum catharticum]

      Planta herbácea anual, da familia das lináceas, follas lanceoladas, flores blancas alaranxadas e froito capsular globoso.

2. s m

   1. Fibra téxtil que se obtén desa planta.

   2. Tecido de liño.

3. liño de lebre [PLANTA ]

   gorga.

Refranes

• A liñaza por san Marcos, nin nada no saco.
• A que o liño aliña, esa o fía.
• Inda ten que nacer o liño estranxeiro para ser como é o galego.
• Liño bo, liño malo, todo florece en maio.
• Liño de Holanda pesa e non anda.
• O liño apurado dá lenzo ben sobrado.
• O liño e a estopa, á sombra.
• Xa vén o tempo do liño mazar; xa vén o tempo de estroupelear, porque este mundo aquí ha quedar.