lepidosauro -ra

Relativo ou pertencente aos lepidosauros.

Réptil da superorde dos lepidosauros.

Superorde de réptiles, da subclase dos diápsidos, que inclúe as ordes dos ofidios e os saurios e que comprende os individuos que teñen a pel recuberta de escamas e a segunda fosa temporal pouco definida. Apareceron a finais do Permiano e no comezo do Triásico, e estendéronse por todo o mundo coincidindo coa desaparición dos dinosauros. Actualmente constitúen o grupo máis representativo e maioritario dos réptiles.