lanterna

1. s f

   Aparato formado por unha bombilla eléctrica cun reflector luminoso e un interruptor, que produce luz mediante pilas ou acumuladores recargables.

2. s f [ARQUIT ]

   Construción de planta circular ou poligonal que se erixe como remate dunha cúpula ou torre para iluminar os interiores a través dos vans laterais abertos no seu corpo.

3. lanterna atlántica [ANIMAL/ICT ]

   Peixe óseo, da familia dos mictófidos, que presenta o corpo alongado e comprimido lateralmente, e a maxila inferior un pouco máis saínte que a superior. Ten unha soa aleta dorsal, presenta placas luminosas no pedúnculo da cola e fotóforos espallados baixo a liña lateral.

4. lanterna de Aristóteles [ZOOL ]

   Aparato mastigador dos equinódeos, formado por 5 grandes pezas calcárias, pirámides cun dente cada unha, con forma de punta de frecha apuntando cara á boca, que se dispoñen radialmente e están conectadas entre si por fibras musculares adxacentes.

5. lanterna maderiense [ANIMAL/ICT ]

   Peixe óseo, da familia dos mictófidos, de corpo acastañado, alongado e comprimido lateralmente. Presenta unha soa aleta dorsal e moitos fotóforos de cor dourada por debaixo da liña lateralmente.

6. lanterna maderiense pequena [ANIMAL/ICT ]

   Peixe óseo, da familia dos mictófidos, de corpo negro, alongado e comprimido lateral que presenta unha soa aleta dorsal de cor clara.

7. lanterna máxica [IMAX ]

   Aparato no que se fan aparecer por medio de lentes amplificadas sobre unha superficie branca, figuras pintadas en tiras de vidro e fortemente iluminadas por unha luz situada dentro do aparato.

8. lanterna negra [ANIMAL/ICT ]

   Peixe óseo, da familia dos mictófidos, que presenta o corpo de cor negra, a base da aleta dorsal máis longa ca a da caudal e escamas luminosas por enriba e debaixo da liña lateral.

9. peixe lanterna [ANIMAL/ICT ]

   Peixe óseo, da familia dos mictófidos, de corpo alongado e comprimido lateralmente. A cabeza e os ollos son grandes e ten dúas aletas dorsais, a segunda moi pequena e adiposa. Ten fotóforos por debaixo da liña lateral e é de cor acastañada escura con brillos prateados.

Formas incorrectas